Ploro

La refreno diras ĉion

Mi ridis kun vi,
Parolis kun vi,
Sed nun mi ploras
Sola.

Ĉu jen la fino
De niaj revoj?
Ĉio por kio ni klopodis
Disbatita en nura moment’.
Kaj eĉ ne plu brilas en la nokt’
La flamoj de brulantaj pontoj;
Restas nur nigra rubo
Kaj la ruinaĵoj de mia kor’.

 

Mi ridis kun vi,
Esperis kun vi,
Sed nun mi ploras
Sola.

Feliĉe mi pensus
Pri ebla bona fino.
Feliĉe mi kredus
Ke ĉio repariĝos.
Sed el karba rubo
Ponton konstrui ne eblas
Kaj detruitaj koroj
Rekuniĝi ne povas.

Mi ridis kun vi,
Mi amis al vi,
Sed nun mi ploras
Sola.