Somera Posttagmezo

Jen tipa somera tago ĉe mi

La suno brilas hele,
La birdoj kantas bele.
Katoj kuŝas lace,
Aero ŝvebas pace,

Sed, subite —

Vento kvazaŭ ondo
Tero-skua tondro
Granda griza nubo
Marteleca pluvo
Ĉie ĉirkaŭe ŝturmas
Hom’ kaj besto kuras
For de pluv’ kaj vento
En kort’ kreskas lageto
Jen la fulma bril’
Sed, same subite —

Trankvil’.

La suno brilas hele,
La birdoj kantas bele.

Advertisements

Hejmsopira en Marto

hejmsopira_cropped

Tiun ĉi kanton mi komencis verki en Marto de 2014, kiam estis neĝventego. Mi kreskiĝis en Oregono, sed nelonge antaŭ tiam mia familio transloĝiĝis al Koloradio. En marto, estas printempo en Oregono, sed ankoraŭ vintro en Koloradio. La versaĵon oni povas kanti laŭ la melodio “Red River Valley”.

Ho-o mankas al mi Oregono;
Estas vintre ankoraŭ ĉe mi.
Ho-o mankas al mi bela sono
De la birdoj kun dolĉa melodi’.

Legi plu

Dio Donis Esperanton al Vi

Tiun ĉi versaĵon mi komencis verki kiam mi estis komencanto, kaj finis ĝin iam poste (bedaŭrinde mi ne memoras kiam). Ĝi estis inspirita de la kanto “God Gave Rock n Roll to You”, kaj kanteblas laŭ tiu melodio.

Dio donis Esperanton al vi,
Donis Esperanton al vi,
Metis ĝin en la animojn de ĉiuj.
Dio donis Esperanton al vi,
Donis Esperanton al vi,
Metis ĝin en la animojn de ĉiuj.

Legi plu